Бојан Јовановски – Боки 13 денеска е уапсен на граничниот премин „Богородица“, дознава САКАМАДАКАЖАМ.МК од извори од истрагата во обвинителството за организиран криминал и корупција.
Боки 13, кој се претставува како сопственик на телевизијата „1ТВ“, е уапсен со бизнисменот Зоран Милевски – Кичеец. Новинарот Бранко Героски минатиот месец објави серија текстови со измислени ликови за наводен рекет на медиумски газда врз бизнисмени и политичари. Самиот Боки 13 во интервју на телевизијата „1ТВ“ кажа дека тој се препознал во текстовите на Героски.
Телевизијата 1тв по веста објавена дека Бојан Јовановски е уапсен на граница побарала коментар од првиот човек на обвинителството за организиран криминал, Вилма Рускоска, која кажала дека Јовановски не е уапсен, туку задржан на граница.
Обвинителството најави прес-конференција со повеќе детали попладнево после 16 часот.
Извор: сдк.мк
