Ноел Мартин од Перт имала само 18 години кога ги открила бизарните фотомонтажи.
-Тоа беше понижувачко и болно за мене. Тој удар на достоинството не е лесно да се опише, буквално ја девастира личноста, вели таа, сега веќе 23-годишна дипломирана правничка.
Како што вели, некој ги зел нејзините фотографии за потоа од нив да ги креира спорните снимки и да ги објави на Фејсбук.
Некои од фотографиите биле на места каде живеела додека студирала.
-Имаше моменти кога по гледањето на тие фотографии само можев да лежам и да плачам. На некои фотографии сум опишувана како глупава крава, а некои од нив се на насловна на порно филмови, вели таа.
Кога инцидентот го пријавила во полиција, и рекле да внимава што става на друштвените мрежи и дека сама си е виновна.Австралија се соочува со овој вид малтретирање кое е во експанзија, па така секој петти Австралиец на возраст меѓу 16 и 49 години е жртва на болни фотомонтажи.
Две години по пеживеаниот хорор, Ноеил излезе на тед конференцијата на која кажува за нејзината борба за враќање на нејзиниот имиџ и отстранување на спорните слики од интернет. Таа од жртвата станува активист на реформите во законот во врска со овој глобален проблем, -сексуална злоупотреба врз основа на слики.
Таа се бори за совладување на срамот и табуата околу женската сексуалност и хипер-сексуализацијата на женските тела. Таа се бореше за криминализација на злоупотреба на сликата во Нов Јужен Велс и продолжува да лобира кон Владата да донесе конкретни кривични закони за борба против злоупотребата врз основа на слики.
