Археолозите кои работат на истражување на гробница од антички Египет пред неколку години пронајдоа состојка за која неодамна е утврдено дека е едно од најстарите сирења кои биле некогаш пронајдени. Пред неколку години, тимот археолози најдоа скршени ќупови во гробницата на Тамес, кој бил градоначалник на античкиот град Мемфис. Тие пронајдоа цврста белузлава маса во еден од ќуповите, за која претпоставуваа дека е храна.
Сега, според истражувањето објавено во списанието „Аналитичка хемија“, утврдено е дека масата е сирење, кое датира од пред 3.200 години.
Откритието е значајно бидејќи, претходно научниците немаа никакви докази за производство на сирење во древен Египет.
„Знаеме дека материјалот е направен главно од овчо и козјо млеко, но не можам да замислам каков вкус имало“, вели д-р Енрико Греко, од Универзитетот во Катанија, кој работел со колегите од Универзитетот во Каиро на утврдувањето на состојката.
Античкото сирење, кое понекогаш се користело за време на постот, се закопувало заедно со богатите Египќани, најверојатно по вкус е слично на козјото сирење, но со „навистина кисел вкус“, смета Пол Киндстед, професор од Универзитетот во Вермонт, кој студирал хемија и историја на сирењето.
Истражувачите рекоа дека нашле и траги од бактерија која може да предизвика бруцелоза, која се добива од јадење непастеризирани млечни производи. Симптомите за оваа заразна болест која постои и денес се треска, потење и болки во мускулите. Ако биде докажано тврдењето за бактеријата, тоа ќе биде доказ за најстар случај на бруцелоза.
Гробот кој е ископан му приаѓал на Птахмес, висок египетски функционер од 13. век п.н.е. и поранешен градоначелник на Мемфис. Неговото гробно место е откриено во 1885 година, но било загубено заради преместувањето на песокот и повторно откриено во 2010 година.
Извор: Сдк
