Индонежанецот Дви Сусиларто го исплати заостанатиот долг за алиментацијата во висина од 14.520 долари во монети, а за да ги донесе 14-те вреќи тешки 890 килограми беше потребно да организира вистински логистички потфат.
Судот во мај му одреди на Сусиларто да плати 178 милиони рупии за заостанати алиментации на поранешната сопруга, која покрена тужба за „финансиско запоставување“.
За таа цел Сусиларто успеал за три месеци да собере 155 милиони рупии во монети, а останатиот дел од долгот го исплатил во готово со банкноти.
Тој вреќите со кованици во Судот ги донесе со помош на двајца пријатели.
На влезот во судницата тој вербално се соочил со адвокат на неговата поранешна сопруга, кој одбил да ги брои парите, обвинувајќи го дека намерно го понижува.
На ова адвокатот на Сусиларто одговорил дека неговиот клиент едвај успеал да ја собере потребната сума, позајмувајќи пари од неговите роднини и пријатели кои имале само ситни пари.
На крајот, претседателот на судот ги ангажирал вработените за броење на монетите.
