Британската музичка ѕвезда Ед Ширан открил дека од неодамна е во брак со својата другарка од детството Чери Сиборн.
Британските медиуми објавија дека двојката се венчала пред Божиќ во присуство на 40-ина пријатели и членови на семејството, но Ширан никогаш не го потврди ова. Барем до објавувањето на првата песна од новиот албум.
Популарниот пејач во интервју за „ iHeartRadio“ зборувал за текстот на авојата нова песна која ја снимил со Еминем и 50 Центи „ Remember My Name”, во која Чери ја нарекува своја сопруга.
„Всушност ја напишав пред јас и Чери да се венчаме, но знаев дека ќе се венчаме пред песната да биде објавена, изјавил Ед .
Ед и Чери се знаат од кога биле деца, но врската ја започнале во 2015 година кога заедно биле на забавата организирана од Тејлор Свифт во чест на 4 јули Денот на независноста на Америка.
