Витаминот Д заради своето значење е ставен на списокот на есенцијални лекови на Светската здравствена организација. Овој витамин е суплемент кој не можеме да го најдеме во повеќето намирници, а исклучок се рибите и производите кои вештачки се обогатени со неговото присуство. Всушност витаминот Д нема многу заеднички работи со останатите витамини, бидејќи се синтетизира со организмот, за што е неопходна сончева светлина.
Еден од најпознатите и најдобри ефекти од неговото присуство во организмот е зацврстување на коските.
Остеопорозата, остеопенијата, детскиот рахитис и остеомалација кај возрасни обично се поврзани со ниско ниво на витамин Д, и во овој случај, земајќи витамин Д помага на организмот да фунционира нормално.
Некои научници појавата на депресивната состојба ја поврзуваат и со недостаток на сончева светлина, односно витамин Д. Студијата од 2008 година покажа дека зголемениот внес на витамин Д може значително да ги намали симптомите на депресија, особено кај луѓето до вишок килограми.
Недостатокот на витамин Д се поврзува и со други болести како што се деменција, кардиоваскуларните заболувања и дијабет.
Сонцето навистина е најважен извор на витамин Д, но сите знаеме колку е штетно изложувањето на сонце. Затоа, подобро е да внесувате витамин Д преку исхраната или со консумирање на додатоци богати со витамин Д.
Витаминот Д најмногу е застапен во месото од риба, рибиното масло и жолчката од јајцето. Но, има и некои продукти во кои производителите по вештачки пат додаваат витамин Д. Такви продукти се: корнфлексите, кравјото млеко, сирењето и маргаринот. Сепак, производителите не се задолжени да го прават тоа, па затоа ако сакате да купите продукт богат со витамин Д, побарајте информација за составот на продуктот на неговата етикета
Извор: espreso.rs
