Фановите на електронската музика ќе бидат почестени со редок концерт во дворот на претседателската Елисејска палата вечерва четврток 21.06.2018, како дел од фестивалот Ден на музиката во Франција.

Концертот ќе започне во 20 часот и ќе трае до полноќ а ќе настапат 5 познати француски дџ-и:  ChloéKavinsky,  Busy P,  Cezaire  и Kiddy Smile.

Повеќе од 1.500 бесплатни билети беа поделени, според принципот прв дојден, прв услужен, преку веб-страницата на палатата.

Кабинетот на претседателот Емануел Макрон не потврди дали тој и неговата сопруга Брижит ќе се појават за време на четиричасовното шоу во неговата официјална резиденција. Лани, тие се појавија ненадејно на истиот фестивал за време на настапот на Оркестарот на републиканската гарда.

Иако Макрон не е првиот претседател кој одржува концерти во палатата, неговите претходници, меѓу кои и Жак Ширак и Франсоа Митеран, само испраќаа покани.

LEAVE A REPLY

Please enter your comment!
Please enter your name here